Felicitè (Roberto Roganti)

Felicitè

Desderès cun un ràz ed sól
prilères in dal let
e arcarvèr in cambi
‘n bès da la dönna dal côr

Alverès la matèina
avrìr la fnèstra
e arcarvèr in cambi
al perfómm ed aldàm

Sèinter l’aradio
termèr pàr i disaster in dal mànd
e arcarvèr in cambi
nôvi só al nòster gvêren

Slumèr al can
in dal balòte di òcc’
e arcarvèr in cambi
‘n’alchèda in d’la facia

Carëzzer la gata
da la mazòca a la cövva
e arcarvèr in cambi
un miliòn ed fus

Guardères in dal spècc’
vädders cun i cavì rizzèdi in tèsta
e arcarvèr in cambi
un sentimèint ed felicitè…